أموت لك أموت منك أموت معك أموت فيك

محتاج لك بأدفّي يديني من ملامس يديك
ه الثانيه ب الضبط ما أظن الشعور يفوتها

عندي قصيده ودّها من خالص إحساسي تجيك
حتى معانيها تبي تاصلك قبل بيوتها

قصيدةٍ يرجع سبب تركيبها منك وإليك
وأنت تعرفها من ملامحها وبحّة صوتها

ي الي بديتك شوق كيف أشواق قلبي تنتهيك .؟
وأحلام عمري لا فقدتك ترجع ل تابوتها .!

إي والله أحبّك ولا زلت أعشق إوصالك وأبيك
وفي خاطري لك هيبة ملوك العرب ف بشوتها

لا جيت أبشكي لك رجعت وقلت وشلون أشتكيك
وأسكت لو إن جروح قلبي فتقها ف إسكوتها

كم لي وانا أنادي عليك آمال عمري وأحتريك
وكم لك تجيب أعذار من زرق البحور وحوتها

مع كل هذا والله إني مشتريك وب أشتريك
وأحسد عليك .. أهل القصيم وجوّها وبيوتها

لا تكثر ظنوني علي وتكثر ظنونك عليك
نفسي فراقك ضيم حالتها وقربك قوتها

أموت لك \ أموت منك \ أموت معك \ أموت فيك
ضع خط ,,, تحت الموته الي تعجبك وأموتها

ممارآق لي

مشكوووووورين
ع المرور
يا حلووااااااااات

نسيم الروح
الله يسلمج يا غلاآآآتي
يسلموؤوؤوؤوؤ ع مرورج يا عسووولة