تبغى زوجها يغار عليها ايش سوت ..؟؟؟

السلام عليكم ..

هذي وحده زوجها ما يغار عليها أبد ا ..

طلعت معه السوق ويوم رجعوا قالت له :

شفت الشباب اللي كانوا يمنا قبل شوي .

تراهم حطوا رقمهم بجنطتي واحنا بالزحمه ..

قال : هاذي إنتي قلتيها .. ( بالزحمه ) ..!!

ارتفع ضغطها من زوجها البارد وفكرت بخطة ثانيه تخلي زوجها يغار عليها ..

راحت لجارهم ( بو خالد ) وقالت له على موضوع زوجها وكانت تبي منه حل لمشكلتها ..

قال أبو خالد : لازم يشوف ريال عندج بالبيت عشان تتحرك مشاعره ويغار عليج ..

قالت : خلاص أنت يابو خالد تعال ..

قال : لالا .. أنا أعطيج الحل وبس ..

المهم .. قعدت تترجاه وتقنعه عشان يكون سبب في حل المشكله ..

وافق ( بوخالد ) وياها قبل لايطلع زوجها من الدوام .

قامت الزوجه وحطت بو خالد بدولاب الملابس .

وبعدها بدقايق وصل الزوج للبيت .

قالت الزوجه للزوج : أبيك تشتري لي فستان .

قال الزوج : فساتينك وايد . يعني إنتي مو بحاجه تشترين .

قالت : لا ما عندي ولا فستان ..

قال : دولابك مليان فساتين ..

قالت : لا . مافيه فساتين .. وإذا منت مصدّق روح وتأكد بنفسك ..

راح الزوج وفتح الدولاب .. وقعد يعـدّ الفساتين :

هذا فستان .. وهذا فستان .. وهذا فستان . بو خالد وخرّ شوي . وهذا فستان .. وهذا فستان ...!!

<<< هههههههههههه جد دمهـ بآرد
الله يعينها .. ما ادري ايش سوت بعدهآ

» المراة الذكية مع زوجها ..
» بكت عندما قال لها زوجها ( احبك )
» للي حابة تهبل وتجنن زوجها ...تدخل
» امراة سعوديه تطلب الطلاق من زوجها والسبب شوف صور‎
» لعشاق الشوكولا والمدمنيين عليها